17 Vite nga Gërdeci: Familjarët e viktimave kërkojnë drejtësi mes zvarritjeve gjyqësore

Tiranë – Kanë kaluar 17 vite nga tragjedia e Gërdecit, por për familjarët e 26 viktimave, koha nuk ka sjellë drejtësinë e premtuar. Të shtunën, ata u mblodhën për homazhe, duke kujtuar të afërmit e tyre dhe duke denoncuar vonesat në proceset gjyqësore.

Mes dhimbjes dhe revoltës, babai i 6-vjeçarit Erison Durdaj, i kthyer në simbol të kësaj tragjedie, thotë: "Nuk shohim dritë në fund të tunelit. Proceset vazhdojnë, por drejtësia vonon. Duket sikur ne jemi fajtorët, jo ata që na kanë shkatërruar jetën."

Dosja "Gërdeci" ndodhet tashmë në duart e SPAK-ut, ku familjarët kërkojnë që përgjegjësit, duke përfshirë ish-ministrin e Mbrojtjes Fatmir Mediu, të japin llogari. Megjithatë, pas dy vitesh proces gjyqësor, ende nuk ka një përfundim të qartë.

"Mbylleni gojën!" – Familjarët denoncojnë presionet në sallën e gjyqit

Familjarët kanë treguar se gjatë seancave, janë përballur me presione nga të pandehurit, të cilët u kërkojnë të heshtin. "Na kërcënojnë në sallën e gjyqit. Ne duam vetëm drejtësi, por procesi po zvarritet pa fund," u shpreh Durdaj.

Ndërkohë, ish-ministri Mediu, i cili akuzohet për shpërdorim detyre, ka kundërshtuar akuzat, duke pretenduar se procesi ndaj tij bie ndesh me Kushtetutën dhe Kodin Penal.

Familjarët e viktimave nuk kërkojnë më thjesht përgjigje, por një drejtësi që vonon prej 17 vitesh. A do të mbetet Gërdeci një plagë e hapur pa fajtorë?

Video, familjarët flasin në rtsh: