Seria e penalltive mes Atletico Madridit dhe Real Madridit po shkakton polemika në mbarë botën, veçanërisht për golin e Julian Alvarezit, i cili u anulua në mënyrë të diskutueshme për një prekje të dyfishtë nga sulmuesi argjentinas.

Një çështje e debatueshme, por lojtari ende nuk ka dhënë drejtpërdrejt versionin e tij mbi ngjarjen. Nuk e bëri as pak më parë, kur komentoi mbrëmjen e vështirë në rrjetet sociale: "Të dhemb të eliminohesh pasi ke dhënë gjithçka në fushë dhe ke luftuar deri në minutën e fundit.

Nuk ia dolëm, por kjo skuadër tregoi karakter, përkushtim dhe zemër. Faleminderit tifozëve tanë që janë gjithmonë pranë nesh, që na mbështesin pa pushim dhe që e bëjnë çdo ndeshje të veçantë. Tani është momenti të shohim përpara dhe të përqendrohemi tek ajo që na pret. Urime Real Madridit për kualifikimin".