Tiranë-Dënohet me burg ish-kryebashkiaku i Himarës, Jorgo Goro

Gjykata e Posaçme ka dënuar me 3 vite e 1 muaj burg ish-kryebashkiakun e Himarës, Jorgo Goro, i akuzuar për shpërdorim detyre në dy raste. Për shkak të gjykimit të shkurtuar, ai do të vuajë 2 vite e 20 ditë në izolim.

🔹 Akuzat: Goro u arrestua në mars të vitit të kaluar, pas një kallëzimi nga Fredi Beleri, për tjetërsimin e një sipërfaqeje prej 10 mijë m² në fshatin Gjilekë, Dhërmi. Toka është sekuestruar nga SPAK, pasi si përfitues fundor ishte ish-deputeti Artan Gaçi.

🔹 Të tjerë të përfshirë:

Bilbil Aliaj, ish-kreu i Kadastrës së Vlorës, do të gjykohet nën masën "detyrim paraqitje". Vezir Gjikoka, ish-juristi i institucionit, ndodhet në "arrest shtëpie". Çështja mbetet në ndjekje nga autoritetet për veprime të mëtejshme ligjore.