Tragjedi në Shkodër: Aksident fatal në aksin Shkodër-Hani i Hotit, humb jetën 57-vjeçari, vajza e tij në gjendje të rëndë

Një aksident i rëndë ka ndodhur mëngjesin e sotëm rreth orës 08:35 në aksin rrugor "Shkodër-Hani i Hotit", ku një autoambulancë është përplasur me një automjet të drejtuar nga shtetasi Abaz Kuka, 57 vjeç, raporton noa.al.

Si pasojë e përplasjes Abaz Kuka ka humbur jetën në Spitalin Rajonal të Shkodrës, ndërsa vajza e tij, D. Kuka, 18 vjeçe, e cila ndodhej si pasagjere në mjet, ndodhet në gjendje të rëndë nën kujdesin e mjekëve.

Drejtuesi i autoambulancës, shtetasi P. S., po merret në pyetje nga autoritetet, ndërsa grupi hetimor po vijon punën për të zbardhur shkaqet dhe rrethanat e aksidentit tragjik. /noa.al