Rama finalizon listën e kandidatëve të PS për zgjedhjet e 11 majit – Emrat e sigurt dhe gara e fortë në Tiranë

Kryeministri Edi Rama ka përfunduar takimet me 12 drejtuesit politikë të qarqeve, duke vulosur listën përfundimtare të kandidatëve për deputetë të Partisë Socialiste për zgjedhjet e 11 majit.

Lista me 186 emra do të bëhet publike gjatë mbledhjes së kryesisë së PS, e cila është planifikuar të mbahet sonte, raporton noa.al që po ndjek nga afër këtë zhvillim në selinë e PS.

Emrat e sigurt për Tiranën

Në qarkun e Tiranës, emrat që konsiderohen të sigurt për t’u futur në Kuvend janë:

✅ Ogerta Manastirliu

✅ Elisa Spiropali

✅ Ervin Hoxha (Ministër i Brendshëm)

✅ Adea Pirdeni (Ministre për Antikorrupsionin)

✅ Lindita Nikolla (Ish-kryetare e Kuvendit)

✅ Igli Hasani (Ministër i Jashtëm)

✅ Blendi Gonxhe (Ministër i Ekonomisë dhe Kulturës)

✅ Helena Kaçe

✅ Zerina Bruçi

Gara e hapur – Kandidatët që do të duhet të sigurojnë votat e qytetarëve

Në listën ku deputetët duhet të fitojnë votën e drejtpërdrejtë të elektoratit, pritet të përfshihen:

🔹 Erion Braçe

🔹 Etilda Gjonaj

🔹 Fatmir Xhafaj

🔹 Ermonela Felaj

🔹 Xhemal Qefalia

🔹 Toni Gogu

🔹 Ornaldo Rakipi

🔹 Pandeli Majko

Në qarkun e Tiranës, lista përfundimtare përbëhet nga 49 kandidatë, të cilët do të garojnë për mandatet parlamentare.

A do të kandidojë Edi Rama?

Ndërkohë, ende nuk ka një vendim përfundimtar nga vetë kryeministri Edi Rama nëse do të jetë pjesë e kësaj gare.

Ai ka lënë të kuptohet se nëse vendos të kandidojë, do të jetë në qarkun e Tiranës, por gjithashtu ka deklaruar se ekziston mundësia që të mos jetë fare kandidat i PS në këto zgjedhje.

Në vijim pritet që PS të bëjë publike listën e plotë, ndërsa gara për 11 majin duket se do të jetë një sfidë e fortë politike. /noa.al