Durrës – Vijojnë goditjet ndaj aktiviteteve kriminale në kufi. Policia e Portit të Durrësit ka finalizuar fazën e dytë të operacionit “Aseti”, duke zbuluar dhe sekuestruar 108 960 euro dhe 600 franga zvicerane, të dyshuara si produkt i veprimtarive kriminale.

Në pranga ka rënë shtetasi J. Z., 40 vjeç, banues në Dibër, i cili tentoi të fuste në Shqipëri shumën e madhe të parave pa e deklaruar në pikën kufitare.

View this post on Instagram

A post shared by Agjencia Kombëtare e Lajmeve NOA (@noanews)

Si u realizua kapja?

Si rezultat i intensifikimit të kontrolleve nga Policia Kufitare dhe autoritetet doganore, 40-vjeçari u ndalua në hyrje të Shqipërisë. Gjatë kontrollit në vijën e dytë, në furgonin që ai drejtonte, u gjetën shumat e mëdha të parave të padeklaruara.

Sekuestrime dhe hetime të mëtejshme

Përveç 108 960 eurove dhe 600 frangave, si prova materiale janë sekuestruar:

Furgoni me të cilin udhëtonte i arrestuari

Dy celularë

Pasaporta e tij

Lidhje me rastin e mëparshëm

Vetëm 3 ditë më parë, Policia e Portit të Durrësit sekuestroi 223 200 euro të dyshuara si produkt i krimeve, duke arrestuar poseduesin e tyre.

Në bashkëpunim me Prokurorinë e Durrësit dhe partnerët ndërkombëtarë, vijojnë hetimet për të dokumentuar burimin e parave të sekuestruara dhe për të zbuluar lidhjet e mundshme me rrjete kriminale.

Operacioni “Aseti” vazhdon! /noa.al