Sekretari i Shtetit Rubio thotë se spastrimet e programeve të USAID kanë përfunduar, me 83% të programeve të agjencisë të eliminuara

UASHINGTON D.C. – Sekretari i Shtetit, Marco Rubio, ka shpallur përfundimin e përpjekjes gjashtëjavore të administratës Trump për të spastruar programet e Agjencisë së Shteteve të Bashkuara për Zhvillim Ndërkombëtar (USAID), duke eliminuar 83% të iniciativave të agjencisë.

Në një postim në rrjetet sociale, Rubio falënderoi Departamentin e Efikasitetit Qeveritar (DOGE) dhe stafin e përfshirë për punën e tyre në këtë ristrukturim të rëndësishëm të agjencisë gjashtëdhjetëvjeçare.

Ai theksoi se programet e shkurtimeve përfshinin shpenzime që konsideroheshin të padobishme për interesat e SHBA-së. Pjesa e mbetur prej 18% e programeve të ndihmës do të administrohet tani nga Departamenti i Shtetit.

Ky spastrim vjen pas urdhrit ekzekutiv të Presidentit Trump për të rishikuar dhe ndaluar ndihmën e huaj që konsiderohej e panevojshme dhe që promovonte një agjendë liberale.

Ndërprerja e papritur e kontratave ka shkaktuar polemika, padi dhe shqetësime mbi ligjshmërinë e këtyre veprimeve pa miratimin e Kongresit.

Grupet e ndihmës raportojnë se programet kritike për shpëtimin e jetëve janë prekur, me pushime të mëdha nga puna dhe staf të mbetur jashtë vendit si rezultat, raporton noa.al duke cituar AP. ( foto: AP)