Selanik, 8 mars 2025 – Një shtetas shqiptar është plagosur rëndë në orët e para të mëngjesit të sotëm në Neapoli të Selanikut, Greqi. Sipas informacioneve të para, një person ende i paidentifikuar ka hapur zjarr dhe ka qëlluar dy herë ndaj shqiptarit, duke i shkaktuar plagë të rënda në bark.

Ngjarja ndodhi rreth orës 05:00, kur viktima, i cili ishte ulur me një shok të tij jashtë një dyqani, u qëllua pa paralajmërim. Ai u transportua menjëherë në spitalin “Ippokrateio” në gjendje të rëndë.

Policia greke ka nisur hetimet dhe po punon për zbardhjen e ngjarjes, identifikimin dhe kapjen e autorit, i cili dyshohet se ka mbërritur dhe larguar nga vendi i ngjarjes me këmbë.

Ngjarja po hetohet dhe autoritetet greke po bëjnë përpjekje të mëtejshme për të identifikuar rrethanat e ngjarjes dhe për të gjetur shkakun e mundshëm të atentatit.