E konfirmuar! Bayern Munich ka arritur marrëveshjen me Joshua Kimmich për kontratën e re. Pra, pas shumë negociatash, palët janë dakorduar për rinovimin, mbetet vetëm hedhja e fiormës mbi kontratën e re.

Pavarësisht lidhjeve të mesfushorit veteran bavarez me klubet e tjera të njohura europiane, Kimmich gjithmonë donte të qëndronte në “Allianz Arena” dhe marrëveshja verbale tashmë është “kopsitur”. Negociatat ishin intensifikuar 10 ditët e fundit, me palët që tani po përgatisin dokumentet për të nënshkruar shumë shpejt.

Real Madridi nuk avancoi asnjëherë në bisedimet me Kimmich, pasi prioriteti i “Los Blancos” mbetet Trent Alexander-Arnold. Duke parë se kjo pistë mjaft e dëshiruar për të nuk ishte e mundur, Kimmich e mblodhi mendjen dhe zgjodhi të vazhdojë me gjigantët bavarezë.