Pas përfundimit të javës së 27-të të Kategorisë Superiore, trajnerët e ekipeve kombëtare kanë përzgjedhur formacionin dhe trajnerin më të mirë të këtij "stacioni" të garës. Portieri më i mirë i javës është përzgjedhur ai i Teutës, Angelo Tafas.

Në mbrojtje kanë spikatur dy lojtarë të Elbasanit, Sigitas Olberkis dhe Emiljano Musta. Katërshen e këtij reparti e plotësojnë Arsid Kruja (Teuta) dhe Elvis Prençi (Skënderbeu).

Mesfusha përbëhet nga Olsi Myrta (Laçi), Klevi Qefalija (Dinamo City) dhe Ardit Deliu (Vllaznia).

Në majën e sulmit qëndron Peter Itodo i Dinamo City, teksa në krahë qëndrojnë Redi Kasa i Egnatias dhe Saleh Nasr i Skënderbeut.

Trajneri i javës është përzgjedhur Ernest Gjoka. Skënderbeu i Gjokës mposhti në transfertë Bylisin me rezultatin 3-0.