Një ngjarje e rëndë është shënuar në Vernio të Italisë, ku një 22 vjeçar dyshohet se ka vrarë të ëmën 60 vjeçare me thikë dhe më pas i ka vënë flakën shtëpisë.

Sipas mediave vendase, trupi i gruas është gjetur në shtëpi, e goditur me thikë ndërsa 22 vjeçari është arrestuar.

Flakët janë shuar në pak minuta pasi ndërhyrja e zjarrfikësve ka qenë e shpejtë.

Kur kanë mbërritur shërbimet e urgjencës dhe policia, i riu, i cili mësohet se ndiqej nga shërbimet sociale, ishte ende pranë shtëpisë, në gjendje konfuzioni.

Ekipi mjeko-ligjor po kryen gjithashtu hetimet për të sqaruar nëse zjarri i cili ka rënë disa orë pas krimit të pretenduar është shkaktuar nga 22 vjeçari.