Joao Félix (Viseu, 1999) nuk ka pasur një fillim të mirë te Milani. Eliminimi nga Feyenoordi në ‘play off’-in e Champions League dhe humbja ndaj Torinos (2-1) kanë sjellë kritikat e para për portugezin.

Ish-sulmuesi i Atlético Madridit, i huazuar nga Chelsea, ka luajtur tashmë 6 ndeshje (453 minuta) me kuqezinjtë, por deri tani ka shënuar vetëm një gol. Ky gol erdhi në debutimin e tij, në fitoren 3-1 kundër Romës, në çerekfinalet e Kupës së Italisë. Përveç këtij goli, Joao Félix nuk ka regjistruar asnjë asist.

Kjo ka bërë që Fabio Ravezzani, drejtori i ‘Telelombardia’, ta kritikoje ashpër lojtarin në llogarinë e tij në ‘X’ (ish-Twitter): "Gjithçka po shkon keq te Milani. Joao Félix është aq i bukur, sa i padobishëm".

Ai gjithashtu shtoi: "Thiaw nuk është më i mirë se Tomori, largimi i Leaos nga fusha, përveçse në rast dëmtimi, nuk ka kuptim. Në përgjithësi, Conceição po shkakton dëme më shumë se breshëri… Drejtuesit e Milanit kanë dështuar me dy trajnerë nga dy të mundshëm".

Gazetari Giuseppe Pastore gjithashtu kritikoi Joao Félix në ‘YouTube’: "Më bëri përshtypje fakti që e mbajti Joao Félix në fushë gjatë gjithë ndeshjes, edhe pse ishte një nga më të dobëtit. Ai ishte e kundërta e një lojtari kompetitiv".

Disa ditë më parë, pas humbjes me Feyenoordin, edhe ‘Corriere dello Sport’ kishte ngritur dyshime mbi performancat e portugezit: "Më shumë hije se dritë. A duhet të luajë gjithmonë, edhe kur paraqitjet e tij nuk janë bindëse?"

Kohë të vështira për Joao Félix, edhe te Milani…