Ish-kryetari i bashkisë së Gandia-s në Spanjë, Arturo Torró, është gjetur i vdekur në makinën e tij pas një atentati të shtunën në mëngjes. Torró, i cili ishte një biznesmen dhe politikan me një karrierë të gjatë, u qëllua me një plumb pas shpërthimit të gomave të makinës së tij.

Ngjarja ndodhi rreth orës 6 të mëngjesit në autostradën A-38, afër Xeresa. Vrasja është raportuar nga gruaja e tij, të cilën Torró e kishte telefonuar pak para ngjarjes për t’i kërkuar ndihmë pasi kishte vënë re se gomat e makinës ishin shpuar.

Torró kishte drejtuar bashkinë e Gandia-s nga 2011 deri në 2015, dhe kishte qenë president i Partisë Popullore (PP) në Gandía deri në 2016. Pas largimit nga pozita e kryetarit të bashkisë, ai dha dorëheqjen si këshilltar dhe ia kaloi drejtimin e partisë kolegut të tij, Víctor Soler.

Në vitin 2023, Torró u dënua me tre vjet e gjysmë burg për shpërdorim të fondeve publike lidhur me dhënien e kontratave për shërbime komunikimi nga bashkia e Gandia-s, një rast i njohur si “Tele 7”.

Autoritetet kanë nisur hetimet për zbardhjen e motiveve të mundshme të atentatit.