Partia e Lirisë, me kërkesën e kryetarit të saj, Ilir Meta, është regjistruar zyrtarisht për pjesëmarrje në zgjedhjet parlamentare të 11 majit.

Ky vendim e vendos atë jashtë një aleance me Partinë Demokratike, me të cilën kishte bashkëpunuar gjatë tetë viteve të fundit, raporton noa.al

Sekretari i Përgjithshëm i Partisë së Lirisë,  Tedu Blushi deklaroi: "Na priftë e mbara në këtë sfidë vendimtare për të ardhmen e Shqipërisë!"

Sipas tij, votat për Ilir Metën, Partinë e Lirisë dhe programin e tyre “5 Prioritete për 4 milion shqiptarë plus”, do të jenë masive. Ky program synon t’i japë fund shpopullimit dhe varfërisë, duke e shndërruar Shqipërinë në një fuqi prodhuese dhe eksportuese.

Ai tha se fitorja e padiskutueshme e opozitës dhe largimi i "narkoqeverisjes së Ramës", që sipas tij po plaçkit, rrënon dhe mpak vendin çdo ditë, janë objektivat kryesore të kësaj sfide politike. /noa.al