Washington, 20 Shkurt 2025 – Senati amerikan votoi këtë të enjte për të konfirmuar Kash Patel si drejtor të FBI-së, duke e emëruar një besnik të presidentit Donald Trump në krye të agjencisë më të lartë të zbatimit të ligjit në vend.

Nominimi i Patel u përball me një shqyrtim intensiv nga demokratët në Kapitol, të cilët shprehin shqetësimin se ai mund të përdorë pozicionin për të kërkuar ndëshkimin e armiqve të mundshëm politikë të Trump.

Gjatë seancës së tij të konfirmimit në Senat, Patel theksoi se nuk do të ketë "politizim" në FBI dhe nuk do të ndodhin "veprime ndëshkuese", duke i akuzuar demokratët për nxjerrjen e fragmenteve të komenteve të vjetra. "Parjet e informacionit janë shpesh mashtruese," theksoi ai.

Roli i drejtorit të FBI-së është një mandat 10-vjeçar, i krijuar për të izoluari pozicionin nga ndikimi politik. Megjithatë, pas rikthimit në Shtëpinë e Bardhë, Trump kërkoi largimin e shefit të atëhershëm të FBI-së, Chris Wray, i cili dha dorëheqjen, duke i hapur rrugën konfirmimit të Patel.