Tiranë- Komisioni Qendror i Zgjedhjeve (KQZ) ka publikuar modelet paraprake të fletëve të votimit për zgjedhjet parlamentare të 11 majit. Modelet janë publikuar për qarqet e Tiranës, Fierit dhe Gjirokastrës, ndërsa fleta zyrtare do të miratohet vetëm pas përfundimit të regjistrimit të partive politike që do të garojnë dhe pas plotësimit të listave të kandidatëve për deputetë.

KQZ ka dërguar modelet për konsultim te partitë politike, për t’u siguruar që procesi i votimit të jetë i qartë dhe pa konfuzion. Regjistrimi i partive dhe kandidatëve do të përfundojë para se modelet përfundimtare të miratohen.