Trajneri i Real Madridit, Carlo Ancelotti, foli për “Sky Sport” pas fitores së pastër kundër Manchester City, që i siguroi kalimin në fazën tjetër (1/8 finale) të Ligës së Kampionëve.

Për paraqitjen e ekipit: "Kemi luajtur ndeshje të mëdha kundër City vitet e fundit. Edhe ky kualifikim na jep një motivim të madh. Më i mirë ishte reagimi në Manchester apo qasja e sotme? Çelësi ishte mbrojtja e mirë, bëmë si në ndeshjen e parë, ashtu edhe në të kthimit. Kur mbrohesh mirë, cilësia e skuadrës del në pah".

Për Mbappé: "Është shumë i qetë, kishte nevojë për këtë tregolësh. Është ambientuar mirë dhe e ardhmja me të do të jetë pozitive".

Për objektivin Champions: "Për ne, Liga e Kampionëve është kompeticioni më i rëndësishëm, por ka ende shumë ndeshje për t’u luajtur. Skuadra është në një moment të mirë, po rikuperojmë disa lojtarë. Shpresojmë të vazhdojmë në këtë rrugë".