Në konferencën për shtyp pas humbjes së rëndë kundër Real Madridit, që vulosi eliminimin e Manchester City nga Liga e Kampionëve, Pep Guardiola foli për momentin që po kalon skuadra e tij: "Ekipi më i mirë fitoi dhe ne bëmë një sezon të keq. Nuk patëm ritmin e Real Madridit në asnjë zonë të fushës. Ata ishin më të mirë se ne".

A ndjetë një ndjenjë pafuqie?

Nuk është çështje pafuqie. Jemi një ekip me karakter, por kemi humbur qëndrueshmërinë. Dhe kur një kundërshtar është më i fortë, i takon ta përgëzosh. Kemi bërë diçka historike në Angli për shumë vite, tani duhet të mendojmë vetëm për të qenë mes katër më të mirëve.

A është fundi i një cikli?

Pak po… Asgjë nuk është e përjetshme, asgjë nuk zgjat përgjithmonë. Kemi fituar gjashtë Premier League në shtatë vite dhe në Europë kemi arritur gjithmonë në çerekfinale, gjysmëfinale ose finale.

A keni forcë për të vazhduar?

Po, kam forcë për të vazhduar.

Situata e Haaland?

U përpoq të stërvitej, por kishte dhimbje edhe kur ecte apo zbriste shkallët. Mëngjesin e ditës së ndeshjes më tha se nuk ndjehej gati. Por e përsëris, nuk është çështje e Haalandit, sepse Real Madridi fitoi me meritë.

A duhet rindërtimi i ekipit tuaj?

Do të kemi kohë për ta menduar. Në të kaluarën kemi qenë jashtëzakonisht të jashtëzakonshëm, por tani jo.