Tiranë, 19 shkurt 2025 – Një ngjarje e rëndë ka ndodhur sot në Tiranë, ku një punonjës i Policisë së Burgjeve dyshohet se ka i dhënë fund jetës me armë zjarri.

Ngjarja është regjistruar rreth orës 11:00, në rrugën “Shefqet Musarai”, ku 48-vjeçari Genci Aliaj është gjetur i pajetë në banesën e tij.

Sipas informacionit të policisë, Aliaj, i cili ishte punonjës i burgut 313, dyshohet se ka përdorur një armë zjarri tip pistoletë për të përfunduar jetën. Grupi hetimor ka mbërritur në vendngjarje dhe po punon për të zbardhur rrethanat e ngjarjes dhe shkaqet që çuan në këtë tragjedi.

Policia ka lëshuar një njoftim për ngjarjen, duke theksuar se hetimet janë ende në vazhdim për të sqaruar plotësisht rrethanat e vetëvrasjes.