Në një intervistë për “Gazzetta dello Sport”, ish-lojtari i Milanit, Roberto Donadoni, ka folur për Gimenez, Joao Felix, Walker dhe Leao.

Për Gimenez – "Është një sulmues që më ka lënë përshtypje të mira, sepse është teknikisht i aftë dhe ka ndjenjën e golit. Është një përforcim i rëndësishëm, një numër 9, me fillim premtues te kuqezinjtë. Dy golat në Serie A janë një kartëvizitë e mirë".

Për Joao Felix – "Më pëlqejnë lojtarët si ai, sepse ka cilësi, është i shpejtë në mendje dhe i aftë në krijimin e epërsisë numerike. Duhet gjetur konteksti i duhur për ta integruar, por paraqitjet e tij të para janë inkurajuese".

Për Walker: "Ishte ai që i duhej Milanit për të sjellë më shumë siguri në mbrojtje, në të djathtë. Nuk është i ri si Bondo dhe Sottil, të cilët mund të jenë të dobishëm për rotacionet në kampionat, por ish-lojtari i City ka shpirtin dhe qëndrimin e duhur, atë të një lideri".

Për vazhdimësinë e Leao – "Këtë diskutim për Leao e kemi bërë shumë herë… Duhet të jetë ai që ta kuptojë se çfarë duhet të bëjë pa topin dhe ta zbatojë atë në fushë".