Policia e Gjirokastrës ka arrestuar në flagrancë shtetasin B. Gj., 54 vjeç, banues në Tiranë në lidhje me aksidentin e djeshëm të ndodhur te Ura e Viroit ku humbën jetën dy persona.

Ai është arrestuar për veprën penale "Shkelja e rregullave të qarkullimit rrugor".

Automjeti tip “Volkswagen Cady” që drejtohej nga një 58-vjeçar është përplasur me automjetin e ushtrisë, tip “Mad” që drejtohej nga B.Gj 54-vjeç.

Përplasja ka qenë e fortë, duke i nxjerrë mjetet nga rruga dhe për pasojë, ka humbur jetën shoferi dhe pasagjeri i Volkswagenit, të identifikuar si Panajot Kalanderi dhe Shefik Salaria. Ndërkohë, është dëmtuar lehtë 54-vjeçari, i cili po merr ndihmë mjekësore në Spitalin Rajonal Gjirokastër.

Aksidenti tragjik ndodhi rreth orës 14:00, në aksin rrugor “Gjirokastër-Tepelenë”, në vendin e quajtur “Kthesa e Viroit”, ndërkohë që priten hetimet për të zbuluar shkaqet e përplasjes.