Gjirokastër- Një aksident tragjik ka ndodhur rreth orës 14:00 në aksin rrugor “Gjirokastër-Tepelenë”, në vendin e quajtur “Kthesa e Viroit”.

Një automjet tip “Volkswagen Cady”, i drejtuar nga shtetasi Pandeli Kalanderi, 58 vjeç, banues në Gjirokastër, është përplasur me një automjet tip “Mad”, i cili i përket Ushtrisë dhe drejtohej nga shtetasi B. Gj., 54 vjeç, banues në Tiranë.

Si pasojë e përplasjes, Kalanderi humbi jetën, si dhe një pasagjer në automjetin e tij, identiteti i të cilit ende nuk është bërë i njohur.

Ndërkohë, drejtuesi i automjetit ushtarak, B. Gj., ka marrë dëmtime të lehta dhe aktualisht është duke marrë ndihmë mjekësore në Spitalin Rajonal Gjirokastër.

Grupi hetimor ka nisur punën për sqarimin e rrethanave të aksidentit dhe për identifikimin e pasagjerit që ka humbur jetën.

Gjirokastër/Informacion paraprak

Rreth orës 14:00, në aksin rrugor "Gjirokastër-Tepelenë", në vendin e quajtur "Kthesa e Viroit", automjeti tip "Volkswagen Cady" me drejtues shtetasin P. K., 58 vjeç, banues në Gjirokastër është përplasur me automjetin tip "Mad" (automjet i Ushtrisë), me drejtues shtetasin B. Gj., 54 vjeç, banues në Tiranë.

Si pasojë kanë humbur jetën drejtuesi i mjetit tip "Volkswagen Cady", shtetasi P. K., dhe pasagjeri në këtë automjet, ende i paidentifikuar.

Gjithashtu, është dëmtuar lehtë shtetasi B. Gj., i cili po merr ndihmë mjekësore në Spitalin Rajonal Gjirokastër.

Grupi hetimor vijon punon për sqarimin e rrethanave të aksidentit dhe për identifikimin e pasagjerit që ka humbur jetën.