TIRANË – Kryeministri Edi Rama ka vijuar ironitë ndaj liderit të Partisë Demokratike, Sali Berisha, pas deklaratës së këtij të fundit që e quajti SPAK-un një dështim të plotë dhe kërkoi shpërbërjen e tij.

Në një prononcim për mediat, Berisha tha se SPAK-u duhet të mbyllet, pasi ka dështuar në luftën kundër korrupsionit dhe nuk ka arritur të sjellë drejtësi. Ky qëndrim u pasua nga një reagim i fortë nga kryeministri Rama, i cili ironizoi liderin e PD-së duke shpërndarë një video, ku shfaqet një buf që ka marrë etiketime nga Rama si "bufi i kënetës", ndërsa në sfond dëgjohet zëri i Berishës.

Në këtë postim, Rama ka shoqëruar videon me disa ’emoji’ të zvarranikëve dhe insekteve, ndërsa ka shtuar mesazhin "Noc Rrokun", duke sugjeruar që SPAK-u nuk do të preket nga kritikat e opozitës.

Ky reagim ka vazhduar përplasjen e fortë mes dy liderëve dhe pasqyron tensionet mes qeverisë dhe opozitës në lidhje me funksionimin e institucioneve të drejtësisë në Shqipëri.