12 vite pas rikthimit të tij romantik te Santosi, Neymar Jr ka shijuar përsëri shijen e golit me fanellën e bardhë. Në ndeshjen e djeshme kundër Agua Santa të San Paolos, sulmuesi brazilian 33-vjeçar shënoi përmes penalltisë, duke ndihmuar fitoren 3-1.

E gjitha kjo pas një aksioni shumë të shpejtë, me një driblim të mrekullueshëm, si në kohët e lavdishme, dhe penalltia e fituar për shkak të një ndërhyrjeje të parregullt në zonë. Pa harruar as asistin që i dha Guilherme.

Goli nga pika e bardhë në minutën e 14-të i mundëson Neymarit një frymëmarrje të thellë pas një rikthimi të vështirë. Deri dje, ai nuk kishte mundur të luante 90 minuta n një ndeshje me Santosin. Tri ndeshjet e para me ekipin “carioca” nuk ishin aspak të paharrueshme.

Përmirësime u panë kundër Agua Santa, gjithçka në favor të rikuperimit të plotë nga dëmtimi i gjurit që ylli brazilian po kërkonte me mundim. Pas një viti mungesë në fushë, eksperienca e tij tek Al-Hilal u shënua nga probleme serioze fizike, me vetëm 7 ndeshje të luajtura dhe një gol të vetëm të shënuar.

Kapiteni dhe idhulli i tifozëve brazilianë, në përvojën e tij të parë profesionale te Santosi, nga viti 2009 deri më 2013, shënoi 138 gola në 225 ndeshje zyrtare. Braziliani u bë lojtari më i shtrenjtë në historinë e futbollit kur u transferua nga Barcelona te PSG për 222 milionë euro në vitin 2017. Ai kaloi tek Al-Hilal në vitin 2023 për 90 milionë euro.

No señores, no es 2011.

Neymar eludiendo a sus rivales, provocando penal y anotando su primer gol con el Santos tras su regreso. Disfrute, craque.

pic.twitter.com/GbwCddgQPa

— Juez Central (@Juezcentral) February 17, 2025