Policia ka finalizuar operacionin e koduar “Theft Network”, duke goditur një grup të strukturuar kriminal që kryente vjedhje të mjeteve, banesave dhe bizneseve në Durrës dhe Tiranë. Si rezultat i hetimeve, 4 persona u arrestuan dhe një tjetër u shpall në kërkim.

Arrestimet dhe hetimet

Pas disa muajsh hetime dhe ndjekjeje operative, policia ka arrestuar:

Donald Subashi, 26 vjeç, banues në Marikaj

Denis Marku, 18 vjeç, banues në Shkodër

Elvis Muça, 38 vjeç, banues në Mamurras

Artur Lama, 48 vjeç, banues në Mamurras

Ndërkohë, është shpallur në kërkim Edison Zefi, 49 vjeç, banues në Tiranë, për të cilin vijojnë kontrollet për arrestimin e tij.

Vjedhjet e zbardhura

Nga hetimet e deritanishme, janë dokumentuar me prova katër raste vjedhjeje, ndërsa dyshohet se grupi është përfshirë në shumë të tjera. Vjedhjet e konfirmuara deri tani përfshijnë:

Vjedhja e një skafi në pronësi të shtetasit Sokol K., në Sukth

Vjedhja e një tabakinoje në pronësi të shtetasit Rezart V., në fshatin Bilalas

Vjedhja e dy automjeteve (një furgon dhe një kamionçinë) në Mullet, Tiranë, më 13 shkurt 2025

Sekuestrimet

Gjatë operacionit, policia ka sekuestruar në cilësinë e provës materiale:

Një mjet lundrues (skaf)

Një automjet kamionçinë

Rrobat e përdorura nga autorët gjatë vjedhjeve

Katër aparate celularë

View this post on Instagram

A post shared by Agjencia Kombëtare e Lajmeve NOA (@noanews)

Vijojnë hetimet

Autoritetet po punojnë për të zbardhur dhe dokumentuar edhe vjedhje të tjera të kryera nga ky grup. Materialet procedurale i kaluan Prokurorisë së Durrësit, për veprime të mëtejshme ligjore nën akuzën e “Vjedhjes” e kryer në bashkëpunim.