Një konflikt i çastit në qytetin e Peshkopisë për motive ende të paqarta ka përfunduar me plagosjen e një 25-vjeçari. J.K., 32 vjeç, banues në Peshkopi, dyshohet se, pas një debati, ka goditur me një mjet të mprehtë në kokë shtetasin S.B., 25 vjeç, duke i shkaktuar dëmtime të rënda.

Ngjarja ndodhi në ambientet e ish-fabrikës së miellit në Peshkopi, ku dy personat ishin përfshirë në një konflikt të çastit, raporton noa.al.

Në kulmin e debatit, 32-vjeçari ka nxjerrë një mjet të mprehtë dhe ka qëlluar 25-vjeçarin në kokë, duke i shkaktuar plagë serioze.

Menjëherë pas sulmit, i plagosuri u transportua drejt spitalit dhe ndodhet nën kujdesin e mjekëve.

Policia e Dibrës, pas marrjes së njoftimit, organizoi operacionin për kapjen e autorit. Seksioni për Hetimin e Krimeve të Rënda dhe Komisariati i Policisë Dibër ndërhynë menjëherë dhe arrestuan J.K. në flagrancë.

Materialet procedurale i kaluan Prokurorisë së Dibrës, e cila do të vijojë hetimet për zbardhjen e plotë të rrethanave të ngjarjes. /noa.al

Foro ilustruese