MAT- Donald Lepuri, 18 vjeç është arrestuar nga policia pasi plagosi me thikë 17-vjeçarin, Alban Gjonaj. Ngjarja ka ndodhur ditën e djeshme në ambientin sportiv të shkollës së mesme në fshatin Baz.

Policia bën me dije se pas përfundimit të hetimeve dhe zbardhjes së ngjarjes u vu në pranga 18-vjeçari, banues në Laç, i cili akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Gjonaj u dërgua të spitali i Traumës për mjekim më të specializuar dhe vijon të jetë në kujdesin e mjekëve, në gjendje jashtë rrezikut për jetën.

NJOFTIMI I POLICISË:

Mat

Vihet në pranga 18-vjeçari që plagosi me mjet prerës një 17-vjeçar, dje, në shkollën e mesme të fshatit Baz.

Specialistët për Hetimin e Krimeve të Komisariatit të Policisë Mat, në përfundim të veprimeve hetimore të kryera në drejtimin e Prokurorisë së Dibrës, për zbardhjen e ngjarjes së ndodhur ditën e djeshme, në ambientin sportiv të shkollës së mesme në fshatin Baz, arrestuan në flagrancë shtetasin D. L., 18 vjeç, banues në Laç, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Ky shtetas dyshohet se pas një konflikti të çastit ka plagosur me mjet prerës (thikë), një 17-vjeçar, i cili vijon të jetë në kujdesin e mjekëve, në gjendje jashtë rrezikut për jetën.