Tiranë, 13 shkurt 2025 – Në foto është Klajdi Buza, i riu që qëlloi me armë drejt një patrulle policie në Rinas . Disa minuta më vonë ai u vendos në pranga.

Burime nga policia bëjnë të ditur se Buza është një person i njohur për autoritetet, duke pasur një histori të mëparshme me ligjin.

Ai ishte arrestuar edhe në vitin 2022 për lëvizje të armatosur në rrugët e qytetit të Krujës. Po ashtu, në vitin 2015, Buza kishte denoncuar vjedhjen e makinës së tij, ndërsa policia njoftoi se mjeti ishte gjetur i braktisur në afërsi të urës së Gjoles në Fushë Krujë.

Aktualisht, autoritetet kanë nisur hetimet për të zbardhur rrethanat e ngjarjes dhe për të kuptuar më mirë motivet e sulmit ndaj policisë.