Bayern Munich nuk do të paraqesë një ofertë për Florian Wirtz gjatë verës së ardhshme. Sipas raportimeve të “Sport Bild”, çmimi i mesfushorit të Bayer Leverkusen, i vlerësuar mbi 100 milionë euro, është aktualisht jashtë mundësive të bavarezëve. Klubi është i fokusuar në rinovimin e kontratave të disa lojtarëve kyç.

Manuel Neuer dhe Alphonso Davies tashmë i kanë zgjatur kontratat e tyre, por mbeten ende për t’u zgjidhur situatat e Joshua Kimmich, Leroy Sané dhe Thomas Müller, të cilëve iu skadon kontrata në qershor. Për më tepër, zgjatja e kontratës së Jamal Musiala përtej vitit 2026 është një përparësi absolute për klubin bavarez.

“Ekipi ynë i menaxhimit sportiv, i udhëhequr nga Max Eberl dhe Christoph Freund, po punon për zgjatjen e kontratave dhe rindërtimin e skuadrës. Pasi të kemi përfunduar këtë proces, do të shqyrtojmë se çfarë është e nevojshme dhe e mundur për merkaton e verës, – tha presidenti i Bayern Munich, Herbert Hainer, për “Sport Bild”.

– Ne nuk kemi një lopë magjike që prodhon para çdo ditë. Gjithmonë kemi qenë klub që punon në mënyrë të arsyeshme. Me rritjen e pagave dhe tarifave të transferimeve në mbarë Europën, bilanci pozitiv po bëhet gjithnjë e më i vështirë”.