Tiranë, 12 Shkurt 2025 – Kryeministri Edi Rama ka reaguar ndaj SPAK dhe GJKKO, duke theksuar se nuk duhet të bëjnë gabim të kërkojnë telefonin e tij, pasi, sipas tij, "kanë mbledhur të gjithë telefonat e Shqipërisë".

Rama ka shprehur shqetësimin për hetimet që po kryhen, duke theksuar se ata duhet të përqendrohen tek faktet dhe jo të shkojnë më tej në kërkesa të tjera. "Shumë e rëndë dhe mos bëjnë gabim të kërkojnë telefonin tim, sepse boll i kanë, i kanë mbledhur të gjithë telefonat e Shqipërisë atje. Të shkojnë të merren me faktet", ka deklaruar Rama, duke hedhur akuza ndaj organeve të drejtësisë.

Ky reagim i kryeministrit ka ngritur më tej shqetësime për mënyrën se si po zhvillohen hetimet dhe marrëdhëniet mes institucioneve të drejtësisë dhe qeverisë.