Bushka nën hetim/ Rama në mbledhjen e Grupit të PS-së: Kryetarja e Komisionit të Ligjeve e mori vesh përfshirjen në akt-akuzë nga televizori

Tiranë, 12 Shkurt 2025 – Gjatë një mbledhjeje të Grupit Parlamentar të Partisë Socialiste, Kryeministri Edi Rama ka komentuar përfshirjen në akt-akuzë të Kryetares së Komisionit të Ligjeve, Klotilda Bushka, duke thënë se ajo e mori vesh përfshirjen e saj nga televizori. Rama tha se ishte një moment i papritur dhe befasues për të gjithë grupin, pasi Bushka nuk ishte thirrur, nuk ishte pyetur dhe as ishte dëgjuar në lidhje me çështjen.

“Ky është një takim jashtë radhe i grupit, me kërkesë të kryetares së Komisionit të Ligjeve, gjë që e kemi pranuar për faktin se të gjithë jemi në njëfarë mënyre të befasuar që ajo figuron në akt-akuzën thuajse 400 faqe për kryetarin e Bashkisë dhe bashkëshorten e tij. Kryetarja e Komisionit të Ligjeve e ka marrë vesh përfshirjen në këtë akt-akuzë nga televizori,” deklaroi Rama, duke shtuar se ajo nuk kishte pasur mundësinë të reagonte para publikimit të akuzës.

Kjo zhvillim ka shkaktuar reagime të shumta, ndërsa PS po e monitoron situatën dhe hetimet që po zhvillohen.