Vatikan, 10 Shkurt 2025 – Organizata humanitare e Vatikanit, Caritas, ka reaguar ashpër ndaj vendimit të USAID për të ndërprerë financimin, duke e quajtur këtë veprim "të pamatur" dhe me pasoja të rënda humanitare.

Sipas Caritas, miliona njerëz mund të humbasin jetën, ndërsa qindra miliona të tjerë do të preken negativisht nga mungesa e ndihmës.

Organizata bën thirrje për rishikimin e vendimit dhe mbështetjen e vazhdueshme për komunitetet në nevojë, raporton noa.al duke cituar AP.

Ndërkohë, Papa Françesku ka vazhduar të jetë një avokat i palodhur për të drejtat e migrantëve dhe refugjatëve. Në vitin 2019, ai prezantoi skulpturën "Angels Unawares" në Sheshin e Shën Pjetrit, duke kujtuar sfidat e migrantëve dhe nevojën për mikpritje dhe ndihmë ndaj tyre.

Mbetet për t’u parë nëse USAID do të rishikojë vendimin e saj në përgjigje të kritikave nga Vatikani dhe organizatat humanitare.