Gjilan, 10 Shkurt 2025 – Një person është arrestuar në Gjilan pas një incidenti në një qendër votimi, pasi ky i fundit tentoi të sulmonte një efektiv të policisë. Sipas njoftimit të Policisë, i dyshuari ka shkuar në qendrën e votimit pas mbylljes së saj dhe, pasi i është kërkuar të largohet, ka refuzuar të përfillë urdhrat e zyrtarëve të policisë.

Gjithashtu, ai ka tentuar të sulmojë një efektiv të policisë, pas çka është arrestuar dhe është marrë në pyetje. Pas hetimeve, i dyshuari është liruar nga policia me vendim të prokurorit.

Në njoftimin zyrtar të Policisë, thuhet se i dyshuari, një mashkull kosovar, është arrestuar për veprën penale “Sulm ndaj personit zyrtar”. Pas intervistës dhe përfundimit të procedurave, ai është liruar në përputhje me procedurat ligjore.

Ky incident ka ndodhur më 9 shkurt 2025 në orën 20:30, dhe policia vazhdon hetimet për sqarimin e plotë të ngjarjes.