Tenton të vetëdigjet një person në Tiranë, ndërhyn policia.

Rreth orës 19:05, në afërsi të një karburanti në Pallatin me Shigjeta, Tiranë, është raportuar një ngjarje e rëndë ku dyshohet se shtetasi I. Q., rreth 60 vjeç, ka tentuar të dëmtojë veten me lëndë djegëse.

Shërbimet e Policisë kanë reaguar menjëherë dhe kanë ndërhyrë për të parandaluar përhapjen e zjarrit në trupin e tij. Shtetasi është transportuar me urgjencë në spital për ndihmë mjekësore, pasi ka pësuar djegie në fytyrë.

Grupi hetimor ka nisur hetimet për të zbardhur shkaqet dhe rrethanat e këtij rasti, ndërkohë që po punohet për sqarimin e mëtejshëm të ngjarjes. Policia është angazhuar në mbledhjen e informacionit dhe dëshmive për të hedhur dritë mbi këtë tentativë për dëmtim të vetes.