Zjarri që ra mbrëmjen e së mërkurës në bodrumin e Spitalit Psikiatrik, duke shkaktuar dëme materiale, nuk ka lënduar pacientë dhe as personel, njoftoi zyrtarisht policia sot në një komunikatë mbi ngjarjen e djeshme.

Ngjarja ka ndodhur rreth orës 21:50, ku dyshohet se flakët janë ndezur për shkak të një shkëndije elektrike.

Shërbimet zjarrfikëse mbërritën menjëherë në vendngjarje dhe arritën të vënë nën kontroll flakët, duke shmangur përhapjen e tyre në pjesë të tjera të godinës.

Paraprakisht, raportimet bëjnë me dije se nuk ka pasur të lënduar apo komplikacione për pacientët dhe stafin mjekësor.

Autoritetet po hetojnë për zbardhjen e plotë të rrethanave të ngjarjes, ndërsa spitali ka vijuar normalisht veprimtarinë pas situatës së krijuar.