Policia e Tiranës ka finalizuar operacionin e koduar “THE END”, duke arrestuar dy hajdutë profesionistë, të cilët, të pajisur me sende të Policisë, kryenin vjedhje me thyerje në biznese dhe banesa.

Të ndaluarit janë A. L., 35 vjeç dhe E. M., 32 vjeç, të dy banues në Tiranë, të cilët kanë precedent të mëparshëm penal për vjedhje.

Si vepronin hajdutët?

Sipas hetimeve, dy të arrestuarit dyshohet se më 19 janar 2025, kanë thyer një biznes në kryeqytet, nga ku kanë vjedhur pajisje elektronike dhe sende me vlerë.

Ata u kapën në flagrancë, një ditë më parë, teksa po vjedhnin një biçikletë, raporton noa.al.

Çfarë u gjet në banesën e njërit prej tyre?

Gjatë kontrollit në banesën e A. L., policia gjeti dhe sekuestroi:

1 armë zjarri pistoletë,

Municion luftarak,

Jelek antiplumb,

Rrip multifunksional si i Policisë dhe sende të tjera që përdor Policia,

2 biçikleta të dyshuara si të vjedhura,

1 laptop,

1 monopatinë,

Të tjera sende të dyshuara si të vjedhura nga grabitjet.

View this post on Instagram

A post shared by Agjencia Kombëtare e Lajmeve NOA (@noanews)

Hetimet vijojnë

Policia po punon për zbardhjen e vjedhjeve të tjera që dyshohet se janë kryer nga të njëjtët persona, ndërkohë që materialet hetimore i kanë kaluar Prokurorisë, për veprime të mëtejshme ligjore.

Ky operacion shënon një tjetër goditje të rëndësishme kundër grupeve kriminale që synojnë pronën dhe pasurinë e qytetarëve në Tiranë. /noa.al