Fushë-Krujë, 31 Janar 2025 – Një ngjarje e rëndë ka ndodhur në orët e para të mëngjesit në Fushë-Krujë, ku dyshohet se një lëndë plasëse është vendosur në fasadën e jashtme të një lokali, në pronësi të shtetasit B. T.

Për pasojë, xhamat e lokalit janë dëmtuar, por fatmirësisht nuk raportohet për persona të lënduar.

Pas sinjalizimit, në vendngjarje kanë mbërritur forcat e Policisë dhe grupi hetimor, të cilët po punojnë nën drejtimin e Prokurorisë për të zbardhur rrethanat e ngjarjes.

Po analizohen pamjet e kamerave të sigurisë dhe po merren në pyetje persona që mund të kenë dijeni për këtë akt.

Policia ka nisur hetimet për të identifikuar autorin ose autorët e kësaj ngjarjeje, ndërsa u bën thirrje qytetarëve që të raportojnë çdo informacion që mund të ndihmojë në zbardhjen e plotë të saj.

Hetimet vijojnë dhe priten zhvillime të reja në orët në vijim, raporton noa.al.

Foto arkivi