Një 46-vjeçar shqiptar u arrestua nga policia italiane pasi iu gjetën rreth 864 mijë euro cash, para që dyshohen se janë përfituar nga aktiviteti kriminal i shitjes së lëndëve narkotike.

Sipas mediave në vendin fqinj, fillimisht ai u ndalua në një rrugë mes Brindizit dhe Leçes, ku gjatë kontrollit të mjetit u zbuluan 200 mijë euro të fshehura në pako vakumi me kartëmonedha të prerjeve të ndryshme.

Kontrolli policor i vijoi edhe në banesë, aty ku policia gjeti 633 mijë e 850 euro të fshehura në dollap dhe të ndara në pako kartëmonedhash.

Në total, u sekuestruan 863 mijë e 850 euro. Autoritetet italiane po hetojnë për të zbardhur tërësisht këtë rast.

46-vjeçari shqiptar akuzohet për pastrim parash dhe transferim të sendeve me vlerë, në bashkëpunim me persona të tjerë ende të paidentifikuar.

Hetimet vijojnë jo vetëm për gjetjen e bashkëpunëtorëve, por po ashtu për zbulimin e origjinës së parave.