Në foto Sildi Velaj

Vlorë- Detaje të reja kanë dalë nga plagosja pasditen e sotme në Orikum. Mësohet se 29-vjeçari Sildi Velaj, është qëlluar nga Qerim Bello mbi 10 herë, por e kanë kapur vetëm 2 plumba.

Plumbat që e kanë kapur kanë qenë në zonën e shpatullës dhe të kofshës. Ndërkohë që pas ndërhyrjes në spitalin e Vlorës, Velaj është dërguar me urgjencë në Tiranë për mjekim më të specializuar.

Vlorë/Informacion paraprak

Sot, rreth orës 18:40, në ambientet e një karburanti (bar), në Orikum, dyshohet se gjatë një konflikti, për motive të dobëta, shtetasi Q. B. ka plagosur me armë zjarri shtetasin S. V., 29 vjeç, i cili ndodhet në spital, nën kujdesin e mjekëve.

Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj për kapjen e autorit të dyshuar.

Grupi hetimor, nën drejtimin e Prokurorisë, po punon për zbardhjen dhe dokumentimin e plotë të ngjarjes.