Bogota – Një shtetas shqiptar, i kërkuar për ekstradim për krime të dyshuara lidhur me trafikun e armëve, u kap orët e fundit në ishujt Rosario, 40 kilometra larg Kartagjenës. Operacioni, i udhëhequr nga Marina Kombëtare dhe Migracioni i Kolumbisë, u krye në një hotel të njohur në këtë zonë ishullore.

Pas afrimit nga autoritetet, shqiptari ka tentuar të arratiset , por është ndaluar me shpejtësi nga efektivët. Më pas, identiteti i tij u konfirmua dhe u verifikua pasaporta, e cila lidhej me një njoftim të kuq të Interpolit të lëshuar nga vendi i origjinës.

I arrestuari qëndron në paraburgimin e autoriteteve ndërkohë që procedimet ligjore përkatëse vazhdojnë. Gjithashtu, mbahet komunikim me subjektet ndërkombëtare të përfshira në këtë rast për të përcaktuar gjendjen e tyre ligjore.