Vinicius Jr. ishte protagonist në fitoren e thellë 5-1 të Real Madridit kundër Salzburgut në Champions League, duke shënuar dy nga pesë golat e ekipit të bardhë. Ajo që tërhoqi vëmendjen ishte mënyra e veçantë e festimit të golave prej tij.

Në golin e parë, braziliani formoi numrin 100 me duart, duke nderuar 100 golat e tij të shënuara me fanellën e Real Madridit.

Ndërsa pas golit të dytë, ai festoi duke mbuluar sytë dhe bërë një gjest që ngjante me një pistoletë me dorën e tij, veprim që ngjalli shumë spekulime. Vetë Vinicius sqaroi kuptimin e këtij festimi:

"Gjithmonë luaj PlayStation me shokët e mi dhe ata më kërkuan ta bëja këtë festim. Do të vazhdoj ta bëj, sepse po shënoj më shumë gola që kur kam nisur ta bëj".

Edhe pse për disa mund të duket një gjë e re, lojtari brazilian e ka përdorur këtë gjest të veçantë për të festuar gola edhe më parë. Tani, misteri më në fund u zgjidh.