Në një ndeshje të çmendur, Robert Lewandowski kishte mundësinë të ekzekutonte dy penallti, ndërsa Barcelona kërkonte përmbysjen e madhe ndaj Benfica në xhiron e shtatë të fazës së grupit të Ligës së Kampionëve. Sulmuesi polak arriti të barazonte të mërkurën mbrëma në “Da Luz” rekordin e mbajtur nga askush tjetër, përveç Cristiano Ronaldos.

Pas realizimit të penalltisë së dytë, Lewandowski arriti kuotën e 19 golave të shënuar nga pika e bardhë në Ligën e Kampionëve, duke barazuar rekordin historik që më parë mbahej vetëm nga ylli portugez. Vlen të theksohet se Barcelona nuk ishte shpërblyer me dy penallti në një ndeshje në transfertë të Champions-it që prej edicionit të vitit 1998 të turneut.

Që në fillim, skuadra blaugrana u gjend në vështirësi, duke pësuar 4 gola gjatë ndeshjes kundër Benfica. Ekipi i Hansi Flick kërkonte fitoren për të siguruar kualifikimin e drejtpërdrejtë në 1/8 finale.

Në fund, dhe jo pa dhuruar atë që shumë e konsiderojnë si ndeshjen më të mirë të sezonit në Ligën e Kampionëve, katalanasit arritën përmbysjen epike 5-4 dhe qëllimin e tyre, duke kaluar në raundin tjetër.