Kina ka dhënë 6.66 miliardë juanë ose afro 1 miliardë USD fonde për të mbështetur rigjallërimin rural në zonat me një numër të madh të banorëve të pakicave kombëtare.

Këto zona i kanë marrë fonde të tilla fiskale qendrore, sipas një konference me krerët e komisioneve të çështjeve të kombësive, e cila u mbajt të mërkurën.

Pan Yue, drejtor i Komisionit Kombëtar të Çështjeve të Kombësive, tha se fondet do t’i ndihmojnë zonat me popullsi të madhe të pakicave kombëtare për t’u mbështetur mbi arritjet e tyre në pakësimin e varfërisë dhe për të çuar përpara rigjallërimin rural.

Fotot: VCG

Do të shtohen përpjekjet për të përmirësuar politikat e zhvillimit mbi çështjet e kombësive, për të forcuar industritë vendore e për të nxitur markat e artizanatit unike për pakicat kombëtare, për zhvillimin me cilësi të lartë të këtyre zonave.

Konferenca bëri plane për punët kyçe të komisionit këtë vit, duke përfshirë nxitjen e shkëmbimeve dhe të integrimit ndërmjet kombësive të ndryshme dhe përmirësimin e ligjeve dhe rregullave lidhur me çështjet e kombësive.