Ruben Amorim, trajneri i Manchester United, ka theksuar rëndësinë e ndeshjes së ardhshme në shtëpi kundër Southamptonit, skuadrës së fundit në renditjen e Premier League. Ndeshja do të zhvillohet të enjten dhe përfaqëson një moment kyç për të vlerësuar pjekurinë e ekipit të tij.

"Ndeshja e radhës do të më mësojë më shumë për lojtarët e mi sesa dy të fundit, – tha Amorim gjatë konferencës për shtyp. – Askush nuk priste rezultate të mëdha kundër Liverpool-it dhe Arsenal-it, por tani ka presion. Të gjithë presin që të fitojmë dhe të luajmë mirë. Dua të shoh ekipin tim të përballet me këtë lloj presioni".

Që nga ardhja e trajnerit të ri portugez, Manchester United ka treguar paraqitje pozitive kundër ekipeve të mëdha si Manchester City dhe Liverpool, por ka hasur vështirësi kundër skuadrave në zonën e rënies nga kategoria, si Ipswich dhe Wolves. "Nuk kemi treguar vazhdimësi kundër ekipeve të renditjes së ulët dhe kjo është një gjë që duhet ta përmirësojmë".

Amorim përfundoi: "Të përballemi me Southamptonin me të njëjtën intensitet që treguam kundër Arsenalit dhe Liverpool-it është thelbësore. Presioni për të fituar është i ndryshëm, por është pikërisht ajo që na duhet për t’u rritur si skuadër".