Të dhënat po ngarkohen...
Transmetuar më 15-01-2025, 18:22
Isuf Hasa është autori i dyshuar i vrasjes së Xhemal Metës në Qafë Mollë të Tiranës.
Ai e goditi për vdekje në kokë me çekiç 81-vjeçarin dhe më pas i vodhi paratë që kishte në xhep. Xhemal Meta është konstatuar i pa jetë në oborrin e banesës së tij.
Pas hetimeve rezultoi se 64-vjeçari ka shkuar në banesën e viktimës dhe për motive të dobëta e ka qëlluar atë me çekiç në pjesën e pasme të kokës duke i shkaktuar vdekjen. Dyshohet se Hasa, pasi e ka goditur viktimën i ka marrë dhe disa para që ai kishte në shtëpi dhe më pas është larguar.
Nga kontrollet e shumta të kryera në disa banesa të autorit dhe familjarëve të tij, janë gjetur dhe sekuestruar një sasi prej 200.000 lekë të rinj. Po nga kontrollet e ushtruara në banesën e shtetases L.H, vajza e autorit të dyshuar në fshatin Gjokaj, Vorë, Shërbimet e Policisë gjetën dhe sekuestruan në cilësinë e provës materiale çekiçin më të cilin autori ka kryer vrasjen. Mbi Isuf Hasën rëndon vepra penale “Vrasja me paramendim”.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd