Xi dhe Costa zhvillojnë bisedime telefonike

Presidenti i Kinës Xi Jinping zhvilloi të martën një bisedë telefonike me Kryetarin e Këshillit të Evropës António Luís Santos da Costa, me kërkesë të këtij të fundit.

Xi vuri në dukje se ky vit përkon me 50 vjetorin e vendosjes së marrëdhënieve diplomatike midis Kinës dhe BE, ndaj është një pikë e rëndësishme.

Pala kineze është gjithmonë e mendimit se Evropa është një nga polet e rëndësishme në botën shumëpolare ndaj e ka përkrahur integrimin e Evropës dhe pavarësinë strategjike të saj.

Xi tha se Kina dhe Evropa nuk kanë konflikte në interesat thelbësore, as kontradikta gjeopolitike, por janë partnerë që plotësojnë njëra-tjetrën.

Nga ana e tij, Costa tha se 2025 është një vit i rëndësishëm në marrëdhëniet evropiano-kineze.

Pala evropiane dëshiron të përpiqet bashkërisht me palën kineze, për të kremtuar 50 vjetorin e marrëdhënieve BE-Kinë, për të forcuar dialogun dhe shkëmbimet, për të shtuar besimin reciprok strategjik, për të fuqizuar partneritetin dhe për të krijuar një të ardhme më të bukur të marrëdhënieve evropiano-kineze.

Pala evropiane është e gatshme të trajtojë mosmarrëveshjet ekonomiko-tregtare me palën kineze ndërmjet dialogut dhe konsultimeve.

Evropa dhe Kina respektojnë synimet e Kartës së OKB-së, këmbëngulin në multilateralizëm, mbrojnë tregtinë e lirë, kundërshtojnë kundërvëniet midis blloqeve.

Të dyja palët shkëmbyen mendime edhe për çështjen e Ukrainës.