Diplomati dhe analisti Plator Nesturi është emëruar prefekt i Qarkut të Vlorës.

Ai zëvendëson në këtë post Vangjel Tavon, i cili pak muaj më parë mori drejtimin e Bashkisë së Himarës.

Nesturi ka qenë ambasador në Spanjë, teksa shpesh është shfaqur në media edhe si analist. Vendimi për emërimin e tij është marrë sot në mbledhjen e Këshillit të Ministrave.

Vendimi:

EMËRIMIN NË DETYRË TË PREFEKTIT TË QARKUT TË VLORËS

Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, të ndryshuar, me propozimin e ministrit të Brendshëm, Këshilli i Ministrave

V E N D O S I:

Plator Nesturi emërohet prefekt i Qarkut të Vlorës.

Ky vendim hyn në fuqi menjëherë dhe botohet në “Fletoren zyrtare”.