një aksident me pasojë vdekjen e një të moshuari këmbësor ka ndodhur mbrëmjen e sotme në aksin Lezhë-Milot.

Mjeti i drejtuar nga Florinda Lleshi ka përplasur për vdekje Ndoc Gjokën në afërsi të kryqëzimit të Spitenit.

‘Rreth orës 17:30, në aksin rrugor “Lezhë-Milot” shtetasja F. Ll. duke drejtuar automjetin e saj ka aksidentuar shtetasin N. Gj., 75 vjeç (këmbësor) i cili si pasojë e plagëve të marra ka ndërruar jetë.

Drejtuesja e automjetit ndodhet e shoqëruar në ambientet e Policisë për veprime të mëtejshme procedurale.

Grupi hetimor ndodhet në vendin e ngjarjes dhe vazhdon veprimet hetimore për zbardhjen e shkaqeve të aksidentit’, njofton policia.