Amber ka vendosur sot që të flasë për operacionet që ajo ka bërë për të ndryshuar gjini.

Gjatë një bisede me Rozanën, Arsidën, Jozin dhe Bernardin, ajo tregoi se kur të dalë nga “Big Brother VIP 4” do të përfundojë filmin që ka nisur të bëjë rreth operacioneve që ka bërë.

“Në procesin tim të ndryshimit, unë kam bërë dhe një film që nuk e kam mbaruar akoma. Do ta mbaroj pasi të dal nga këtu. Unë e kam filmuar të gjithë procesin e ndryshimit tim, edhe sallën e operacionit. Jam filmuar në sallë duke bërë narkozën, më kupton”, tha Amber.

Më pas banorja u shpreh se edhe pse ka bërë ndryshim total, nuk i kanë bërë pasaportë të re.

Pjesë nga biseda:

Arsida: Po pra kjo në pasaportë rezulton mashkull se ligji nuk e lejon t’a ndryshojë

Amber: I kam vajtur me dokumentet e spitalit dhe nuk ma kanë bërë.

Rozana: Pse:

Amber: Nuk ekziston ligji.

Rozana: Këtu në Shqipëri? Ku ekziston si ligj?

Amber: Në Brazil, në Belgjikë edhe në Tajlandë.

Rozana: Domethënë ti duhet të martohesh andej…

Amber: Edhe po të martohem mund të marr pasaportën e tyre, por në Shqipëri do të rezultojë prapë, e njëjta gjë.

Rozana: Ke folur me avokatin?

Amber: Avokati më ka thënë se nuk është miratuar në Kuvend.

Rozana: Si ka qenë operacioni, ka qenë i sikletshëm? Sa orë zgjati?

Amber: Më shumë kam pasur siklet… e mendoja më të vështirë.

Arsida: Më fal ke marrë hormone për pjesën…

Amber: Po

Rozana: Po rikuperimi si ka qenë?

Amber: Gjashtë muaj

Rozana: Pate siklet në ndryshimin e trupit, të momentit…

Amber: Kur pashë veten kalon pak kështu si një traumë, kur e shikon veten të ndryshuar. E përjeton pak keq në fillim por pastaj mësohesh

Rozana: Sa kohë ke që ke ndryshuar gjini?

Amber: Vajta 2 vjet

Rozana: Tani të duket si një gjë që nuk ka qenë kurrë?

Amber: Më duket sikur ka qenë një gjë që tek unë nuk ka ekzistuar, një gjë e tepërt në trupin tim. Nga ana psikologjike ka qenë një proces shumë i vështirë.

Arsida: Ndihesh mirë me trupin tënd tani?

Amber: Po, po gjashtë muaj je pak në siklet