José Mourinho ka shpërthyer në mikrofonat e gazetarëve, pas ndeshjes Fenerbahçe-Hatayspor, e vlefshme për javën e 18-të të Superligës Turke, që përfundoi me fitoren 2-1 të "kanarinave të verdha". Në përfundim të ndeshjes, në zonën e intervistave, “Special One” u përplas ashpër me gazetarët, të cilët i kërkuan një koment për paraqitjen e ekipit të tij, që siguroi tri pikët falë dopietës nga En-Nesyri.

Ish-trajneri i Interit dhe Romës u shfaq i tensionuar gjatë intervistave pas ndeshjes. Një gazetar komentoi para tij: "Fitore e rëndësishme që ju mban në -8 pikë nga Galatasaray…" Kjo frazë ndezi zemërimin e Mourinhos, i cili reagoi: "Pse keni frikë të thoni të vërtetën? Nga çfarë keni frikë në këtë vend?"

Mourinho i nervozuar aludoi se Galatasaray favorizohet nga arbitrat, duke përmendur penalltitë e shumta të akorduara për skuadrën e drejtuar nga Okan Buruk. Ai theksoi se këto episode kanë ndihmuar rivalët të ngjiten në krye të renditjes me 47 pikë, ndërsa Fenerbahçe e tij mbetet pas me 39 pikë, e zhbilancuar në garën për titull.

Pas këtyre deklaratave, Mourinho u largua i zemëruar, duke shtuar tension në një atmosferë tashmë të ndezur. Një tjetër post-ndeshje e zjarrtë për trajnerin portugez, që si gjithmonë arrin të tërheqë vëmendjen dhe të hapë debate kurdoherë që është i përfshirë.